يستمر اضراب عمال طنطا للكتان لليوم الخامس على التوالى أمام مقر مجلس الوزراء ، ساعات من البرد القارس تمر على عمال الشركة فى اعتصامهم المفتوح من اجل مطالبهم العادلة فى الاجر والحافز واعادة تشغيل الشركة ، يترحرش بهم الامن فى ساعات الانهاك يهتفون منذ الصباح الباكر يغنون احيانا يتوجعون كثيرا يشكون للصحف ووسائل الاعلام ويستمر الصمود
يحكى القائد العمالى هشام ابو زيد عن محاولة فض الامن اعتصام العمال بالامس : كان فى صحفيين ونشطاء حاول الامن يقبض عليهم واعتدوا فى نفس الوقت على العمال لتخوفيهم وفض الاعتصام ده فى الوقت اللى كنا هننصب فيه خيم عشان البيات والبرد لكن الامن رفض وقال ده محتاج تصريح لكن العمال قالت الرصيف ده بتاعنا وملك للشعب واحنا احرار فى تجهيز مكان للبيات لينا عشان الاعتصام وعشان حقوقنا .
يكرر هشام : مش المرة الوحيدة اللى الامن بيتحرش فيها بينا كتير من المرات يحاولوا يدخلو الكردون الى قاعده فيه العمال
ويكمل هشام امبارح حاولوا يقبضوا عليا وعلى احمد الوهيدى امين صندوق النقابة واعتدوا علينا بالضرب
ورفضوا يعملو لينا تقرير طبى فى المستشفى بس احنا بعتنا بلاغ للنائب العام ، ويضيف عبد العال بحيرى
واعتدوا كمان على ربيع ابو ليله وحصل فى وسط العمال حالات اغماء وتعب من البيات فى الشارع من خمس ايام واحنا هنا عشان حقوقنا وقع مننا وتعب عمال منهم طاهر عبد الغفار ،حتى الخيام رفضوا اننا نعملها واعتدوا علينا واحنا منعرفش الامن ده امن مصرى ولاه اسرائيلى .. احنا بنطالب كل الدنيا تسمعنا وتتحرك ضد الظلم ده
جدير بالذكر ان قضية عمال طنطا للكتان شهدت العديد من المحطات النضالية فمن التظاهر فى الشارع فى الغربية ومن الاضراب داخل المصنع ومن التحرك امام المجالس النيابة ، وقد اخرت التطورات فى القضية هو الاتفاق المبرم بين العمال والشركة والذى استغل فى التصرف فى منتجات الشركة وبيع المخزون من المنتجات والمواد الخام والتى قدرت ب10 مليون جنية ثم التعنت لوقف عمل المصنع وتشريد عمالة وبيعة كارض للبناء
ويستمر الاعتصام فى ظل هتفات تطالب بالحقوق والاجر وحق العمل ، وتؤكد على انحياز الدولة لراس المال ومحاصرة اى صوت مطلبى يطالب بالعمل والاجر والحقوق العمالية
يرفع العمال شعارتهم
الاضراب مشروع مشروع ضد الفقر وضد الجوع
والاستثمار ده يعنى استعمار
ويقتل الف لاجل واحد
واصحى يا عيشة وخفى النوم
اصحى يا عيشة ومتخافيش
اصحى ومتخافيش على الكورسى
يا نظيف يا نظيف العمال ع الرصيف
يستمر الاعتصام ويستمر مطالب العمال طالبين المساندة والدعم من كل القوى الوطنية ومن كل وسائل الاعلام
